|
30. Jun 2008 |
 Rógvi fór út við skaða í 1. hálvleiki
Tað gekk av skriðini hjá Hødd í útidystinum ímóti Notodden. Talan gjørdist um eitt stórtap uppá 5-1, hálvleiksstøðan var 2-0. Notodden skoraði øll seks málini í dystinum, eisini málið hjá Hødd, sum var eitt sjálvmál.
Hødd og Rógvi Jacobsen byrjaðu annars væl. Tá 6 minuttir vóru farnir, var Rógvi hildin inni í brotsteiginum hjá Notodden, og dómarin dømdi brotsspark til Hødd. Finn Erik Stavseng tók brotssparkið, men málverjin hjá Notodden, Nuno Marques bjargaði. Rógvi fór út við skaða aftaná 39 minuttirs spæl, tá var støðan 0-0. Síðstu løtuna áðrenn steðgin skoraði Notodden tvey mál, og tá gjørdist mótbrekkan ov brøtt hjá Hødd. Hødd liggur nú undir niðurflytingarstrikuni í næstbestu norsku fótbóltsdeildini við 9 stigum fyri 11 dystir.
|
