Holland smurdi eisini varaheimsmeistararnar av. Soleiðis sum hollendingar hava spælt er litið, sum bendir á, at teir verða tiknir, men...

Italski liðformaðurin Gianluigi Buffon bjargaði brotssparkinum frá Mutu. Fór bólturin í málið, noyddust Buffon og liðfelagar hansara at pakka kuffertini. 1-1 javnleikurin gevur teimum enn ein lítlan møguleika at spæla seg víðari, og munnu teir ikki.

Bólkur C
Við feitari skrift úrslitini í 2.umfari
Frankaríki-Rumenia 0-0
Italia-Holland 0-3
Holland- Frankaríki 4-1
Rumenia-Italia 1-1

Bólkur D
Spania-Russland 4-1
Svøríki-Grikkaland 2-0
Svøríki-Spania 1-2
Grikkaland-Russland 0-2

Grikkar eru úti, og Spania víðari. Hvør skal fylgja Spania verður avgjørt í triðja og seinasta leikaumfarinum, tá ið russar og sviar hittast. Sviar hava betri málúrtøka, tí er javnleikur nokk fyri teir!

Bólkur A
Sveis-Kekkia 0-1
Portugal-Turkaland 2-0
Portugal-Kekkia 3-1
Sveis-Turkaland 1-2
Sveis-Portugal 2-0
Kekkia-Turkaland 3-2

Bólkur A er liðugur. Portugal og Turkaland eru víðari til 1/4-finalurnar. Undan triðja og seinasta leikumfarinum var greitt, at portugisar vóru víðari, meðan dysturin millum Turkaland og Kekkia avgjørdi 2.plássið. Allir pílar peikaðu móti Kekkia. Á odda 2-0 og bert 15 minuttir eftir at leika. Og hóast Arda minkaði um munin korterið fyri leiklok var enn langur vegur á mál, men so gjørdi heimsins besti málverji brølara av teimum stóru. Harmleysa innleggið misti Chelsea málverjin beint niðurfyri føturnar á Nihat. 2-2 og nú skuldu brotsspørk avgera dystin, tí londini vóru púra jøvn í stigum og málum, men so skuldi ikki verða. Í minuttinum fyri síðsta bríksl verður Nihat spældur leysur. Beint uttanfyri brotsteigarmarkið smekkar hann til upp í handara málhorn til endaliga úrslitið 3-2. Turkiska gleðin var ovurstór og kekkiska vónbrotið eins stórt! Puha, soleiðis er fótbóltur tíbetur eisini!!!