Vertirnir úr Sveis høvdu betri uppiborið, men inn vildi bólturin ikki. Kekkar teljast millum favorittarnar at vinna endaspælið, men hóast sigur í gjár, var avrikið í lakara lagi.
Portugal harafturímóti vísti stórspæl móti turkum. Undirhaldsvirðið sera høgt, nógv gott fótbóltsspæl og tvey góð mál. Ronaldo og co. hava tikið fyrsta fetið!

Bólkur B
Eysturríki-Kroatia 0-1
Týskland-Pólland 2-0

Kroatar løgdu seg á odda longu í 4.minutti við brotssparki. Eysturríkarar trýstu øgiligt í seinna hálvleiki og vóru øgiliga nær við, men mál fingu teir onki, og máttu eins og hin vertstjóðin av vøllinum við ongum stigi og ongum máli

Týskland líkist einum vinnaraliði í hesi kapping. Hóast Póllandi royndi sítt ítarsta, tóktist týska liðið at hava fullkomið tak á øllum inni á vøllinum. Týskland vann í kvøld fyrsta EM sigurin síðani EM-finaluna í 1996!! Leingi er tað, ið væl skal vera!

Fýra vinnarar, tapararnir onki mál
Eftir hesar fyrstu fýra dystirnar kunnu vit staðfesta, at tapandi liðini í øllum dystunum ikki hava megnað at skora. Favorittarnir hava vunnið!

Í morgin verður farið í holt við <i>deyðans bólk</i>. Italia møtir Hollandi og Frankaríki møtir Rumenia