B71 - Forsíða

Forsíða

Úrslit og støður

Formuladeildin - Venjingin byrjar aftur

22. Jul 2008
Formulavenjingin byrjar aftur hóskvøldið 24.07 kl 20

Sandoyingar í Klakksvík um vikuskiftið

20. Jul 2008

Sandoyingar vóru vælmannaðir í Klakksvík leygardagin. Ørindini hjá teimum vóru at selja lutaseðlar fyri B71. Hvør lutaseðil er skeyti uppá ein jarðarteig á Sandi. Hesi jarðarstykkini verða lutaði tilvildarliga út á eitt avmarkað øki. Ein maður fer 24. august at leypa úr eini tyrlu við fallskjóli, og tað stykkið sum hann lendir á, er tann hepni vinnarin av einum FORD FocusC-MAX bili.

Aðrir lutir eru eisini at vinna, og kastað verður lut um hesar vinningar sama dag. Teir eru ein ferð fyri 2 til Danland við Smyril Line, eitt sjónvarp frá Elding og eitt gávukort frá Vøruhúsinum á Hjalla, virði 5.000,-.

Klakksvíkingar vóru sera blíðir við sandoyingarnar, men nógvar hurðar vóru læstar, tí tað er jú feriutíð. Onnur fólk áttu ikki pening inni til lutaseðilin, og tey eru í tí hepnu støðu, at tey kunnu keypa lutaseðlar í hugnaliga handlinum hjá Jórun í Klakksvík.

Spania fingið nýggjan landsliðsvenjara

16. Jul 2008

Tað verður fyrrverandi Real Madrid venjarin, Vicente del Bosque, sum framyvir skal venja spanska landsliðið, stendur á portalinum í dag.

Luis Aragones, sum fyrr í ár førdi spanska landsliðið til EM-heitið í fótbólti, er nú venjari hjá turkiska Fenerbahce. Hetta hevur fingið spanska fótbóltssambandið at leita eftir nýggjum venjara, og hann er nú funnin. Tað verður 57 ára gamli Vicente del Bosque, sum tekur við starvinum. Vicente del Bosque er sjálvur úr Spania, og er mest kendur sum bæði leikari og venjari í Real Madrid.
Fyrsta uppgáva hansara í spanska venjarastarvinum verður 20. august, tá ið Spania møtir Eysturríki í einum vinardysti.

Kunningarstovan selir atgongumerkir til UEFA CUP dystin

15. Jul 2008

Á heimasíðuni hjá Sandoyar Kunningarstovu stendur, at Kunningarstovan selir atgongumerkir til dystin millum EB/STREYM og Manchester City.
Dysturin verður leiktur á Tórsvølli hósdagin tann 17. juli kl. 19.00

Atgongumerkini kosta:
150,- kr. fyri vaksin
50,- fyri børn (til og við 14 ár)

Atgongumerki verða eisini seld í Kunningarstovunum í Runavík, Klaksvík, Vági og á Tvøroyri.

Saman vit standa!

14. Jul 2008
Nú farið er í summarfrí vil eg nýta høvi at takka leikarum, leiðslu og viðhaldsfólki okkara fyri gott samstarv. Hart tiltrongdir 12 summardagar við fótbóltshvíld, áðrenn farið verður undir fyrireikingarnar til seinna partin av kappingini, standa fyri framman.
Les...

B71 strúka framvið

13. Jul 2008
Sigursrøðin hjá B71 á 3 dystir, hevur nú fingið okkum uppyvir niðurflytingarstrikuna enntá áðrenn kappingin var hálvrunnin. Mangan sá tað heldur vónleyst út, men í dag er søgan ein onnur. Vónin er afturkomin og um góðu taktirnar nú í seinastuni halda á fram í seinnu helvt av kappingarárinum, átti eitt pláss í Formula deildini 2009 verið ein sjálvfylgja.
Les...

Formuladeildin 14.umfar B68-B71 leygardagin 12.juli kl. 14.30

10. Jul 2008

Leygardagin 12.juli 2008
Formuladeildin 14.umar
B68-B71
kl.14.30

Síðsta sprellið undan steðginum

Leygardagin kl. 14.30 bresta B68 og B71 saman í 14.umfari inni á Svangaskarði. Sum landið liggur undan dystinum er B71 á aftasta plássi við 11 stigum, meðan B68 er tvey pláss ovari við 14 stigum. Talan er sostatt um sokallaðn 6 stig-dyst millum árstalsfeløgini.

Gongdin hjá B71 seinastu umførini hevur verið betri. Javnleikur heima móti HB og sigur móti KÍ. Og so sigurin á Skála seinast. Hesi 7 stigini hava ført við sær, at B71 hevur fingið um endan á nøkrum av hinum liðunum.

Eftir dystin leygardagin verður farið í summarfrí nakrar dagar. Venjingin byrjar aftur hóskvøldið 24.juli kl. 20.00

Drívið á dreingir!

Báðir heimadystirnir í HM undankappingini í heyst verða spældir á Tórsvølli

10. Jul 2008

Í sambandi við luttøkuna hjá A-landsliðnum í HM-undankappingini verða hesir dystir leiktir í ár:
Dysturin millum Føroyar og Rumenia mikudagin 10. september 2008 verður spældur kl. 17.30 á Tórsvølli. Dysturin millum Føroyar og Eysturríki verður spældur leygardagin 11. oktober 2008 kl. 16.00, eisini á Tórsvølli, boðar Fótbóltssamband Føroya frá.
Dimmalætting skrivar, at atgongumerki til dystirnar verða til sølu á internetinum. Atgongumerkjasølan byrjar um mánaðarskifti juli/august.

Nýggj og betri heimasíða

09. Jul 2008

Heimasíðan hjá B71 er nú so smátt við at koma fyri seg aftur. Hon hevur verið undir umbygging, men nú er hon við at verða liðug. Vit hava fingið eina betri, nýggjari og meira nýmótans síðu. Sum nakað nýtt, hevur síðan eitt kjakforum, ið ein og hvør kann luttaka í.

Síðan er sum sagt ikki heilt liðug enn, men tað gongur tann vegin. Vónandi verður nýggja síðan væl móttikin.

Góður túrur í Suðri

09. Jul 2008

B71 vil við hesum takka fyri tann góða stuðulin, ið var at fáa í Suðri, tá 17 sandoyingar vóru á ferð har suðuri. Endamálið við ferðini var at selja lutaseðlar (skeyti uppá jarðarteig) fyri B71. Sandoyingarnir vóru sera væl móttiknir í nærum hvørjum húsi, og tey seldu yvir 750 lutaseðlar. Suðuroyingar eru eitt fyrikomandi fólkaslag, og summi vistu ikki, hvørjum beini, ið tey skuldu standa á, tá tey fingu vitjan av einum ella fleiri sandoyingum.

Sandoyingarnir høvdu úr at gera við at selja, og nøkur hús vóru, ið tey ikki náddu inn í. Men tey høvdu eisini tíð til at hugna sær. Her eru tey í bowlinghøllini í Vági og taka sær av løttum eina løtu eftir ein strævnan dag í Suðri.

Føroyar móti Portugal

02. Jul 2008

Føroyska landsliðið møtir Portugal í venjingardysti í Lissabon 20. august

Fótbóltssamband Føroya hevur tikið av tilboði frá Fótbóltssambandinum í Portugal um at spæla A-landsdyst í Lissabon, mikudagin, 20. august 2008

Fari verður úr Føroyum 18. august og komi verður aftur 21. august 2008

Dysturin er liður í fyrireikingunum til HM-undankappingina, fyrstu dystirnir í HM-undankappingini eru úti móti Serbia 6. september og heima móti Rumenia 10. september.

Føroyar hava ongantíð fyrr spælt móti Portugal.