Føroyska U21 landsliðið spældi seinnapartin seinasta EM-undandystin á hesum sinni. Grikkar skoraðu einasta málið í dystinum 10 minuttir inn í seinna hálvleik.

Eftir øllum at døma endar føroyska liðið á næstaftasta plássinum við 4 stigum. Azerbajan skal vinna á útivølli í morgin móti Albania fyri at fara framum Føroyar.

Føroyska ferðalagið kemur aftur til Føroya í morgin.

Í morgin kl. 18.00 dystast Grikkaland og Føroyar í Athen. Fyrri dysturin teirra millum fyri júst einum ári síðani á Svangaskarði endaði við einum 2-0 sigri til grikkar.

Grikkaland er á einum 3.plássi við 15 stigum, meðan Føroyar eru nr. 5 við 4 stigum. Tvey fleiri enn Azerbajan. Skuldi tað hent seg at Azerbajan vinnur sín dyst á útivølli móti Albania samstundis sum Føroyar tapir í Grikkaland, fara azerbajanar framum føroyingar. Men, man tað fara at henda!?

Fyri løtu síðani endaði dysturin í Baku. Endin var, at føroyingar fingu ein 2-2 javnleik. Gudmund Nielsen javnaði fyri Føroyar til 1-1, men heimamenninir svaraðu aftur og kundu havt økt til 3-1, men Gunnar Nielsen úr Motherwell bjargaði brotssparki. Levi Hansen úr EB/Streymi var meiri tryggur úr 11 metrum og skoraði til 2-2. Í síðstu minuttunum kundi eitt hornaspark havt bjargaði okkara monnum tey trý stigini, men so varð ikki.

Frálíkt úrslit av okkara monnum. Sagt veður úr Baku, at hitin var øgiliga nógvur.